වෙරළ ඇයි ඔබ කැළඹිලා.....

වෙරළ ඇයි ඔබ කැළඹිලා
සයුර නැත කිසිවක් කථා
හදේ නැගෙනා සුසුම් රාවය
බිදෙන රළ හා මුසු වෙලා....

පියුම් විල ඔබ නෙතු අරා
නැගෙන සද දෙස ඇයි බලා
සිතුල් පව්වට වැටුන සද කැන්
අරන් ලයමත සගවලා....
පුරා සිතුවිලි රැය පුරා
හදේ ඇදෙනා රූ රටා
සදා නොමැකෙන විලස සිත්තම්
කරමි ගිරිකුළු මත පවා...

චමින්ද ජයනාත් ජයසූරිය.

 අල්පෙනෙත්ත තුඩු අගකින්...

අල්පෙනෙත්ත තුඩු අගකින්...
සුදු කොලයක් මතක ලියමි .....
කාටත් නොපෙනෙනා ලෙසක...
මට හිතිච්ච යම් වදනක්...නුඹ වෙනුවෙන් මං....

කිසිවෙකු නැති එක් මොහොතක...
මල් පිරිච්ච හැන්දෑවක...
පාට කූරු අතට රැගෙන ....
ගල්ලනවද පාට රැසක්.... ඒ මත්තෙහි යම්....
නෙතට යටින් පේනවාද...
නුබෙ සිතටත් දැනෙනවාද....
ඈත දිනෙක හිරි වැටිච්ච...
සිතට හොරා මට දැනිච්ච....
සිතුවිල්ලක සිර නොවිච්ච... පාට පොදක් දැන්....

 චමින්ද ජයනාත් ජයසුරිය.

ඔබ දුන් එළියෙන් මා ළෝකය දුටිමි........

 මිනිසුන් එයට දිනයක් කියා පවසති....

ඔබ දුන් එළියෙන් මා ළෝකය දුටිමි........ඔබ දුන් සිසිලෙන් මා ජිවය ලැබිමි......ඔබ දුන් සෙවණ මා ආත්මය කොට ගතිමි....සද හිරු තාරකා මියැදි දිනයකද නුබේ මතකයන්ගෙන් මා කිසිදා බැහැර නොවෙමි....ගගන තලය සිසාරා පියාසරණා දහසක් විහග සියතුන්ගේ සිනිදු පියා පත් තුලින් හමනා සිසිල් පවනින්  ද මා නුඹව දකිමි...සද කැන් වැටුන රැයක තුරු මත දිලෙන පිණි බිදු තුලද මා නුඹව දකිමි... රැය ගෙවී උදැසනක් පැමිණි කළද...උදෑසන ගෙවී රැය පැමිණි කලද....මිනිසුන් එයට දිනයක් කියා පවසති....නමුදු එයට මා දිනයක් යැයි කියා නොපවසමි...කිමද නුඹ නොමැති කල මට දිනයක් ද උදා නොවනා බැවිනි...

2017 - 04 - 02 ප.ව 05.45 චමින්ද ජයනාත් ජයසූරිය.